Сәтбаев Университетінде метрология және тұрақты даму мәселелері талқыланды

Сәтбаев Университетінде Дүниежүзілік метрология күніне арналған «БҰҰ тұрақты даму мақсаттарына қол жеткізудегі метрология» атты конференция өтті. Конференцияны университеттің оқу ісі жөніндегі проректоры Раиса Өскенбаева мен «KazStandard» филиалының директоры Дәурен Сәрсенбаев ашты. Конференция аясында су ресурстарын басқаруға арналған пленарлық отырыс пен панельдік сессиялар болды.

Қатысушылар Қазақстанда стандарттау, сертификаттау және метрология жүйесін дамыту мен тұрақты дамуды қамтамасыз етуде метрологияның рөлін және осы процестің келешегін талқылады. Конференцияға Сәтбаев Университетінің оқытушылары мен студенттері, мемлекеттік органдар мен коммерциялық кәсіпорындардың өкілдері қатысты.

Қатысушылар сондай-ақ Тұрақты даму мақсаттарына қол жеткізудегі метрологияның маңызды рөлін талқылады, өйткені дәл өлшемдер су сапасы, ауа тазалығы, энергия тиімділігі және ауыл шаруашылығы өнімділігі сияқты ТДМ-ға қатысты негізгі көрсеткіштердегі өзгерістерді бақылауға көмектеседі. Бұл негізгі шешімдерді қабылдауға және әртүрлі бастамалардың тиімділігін бағалауға көмектеседі. Сонымен қатар метрология энергияны үнемдейтін құрылғылар, дәлірек суару жүйелері және таза өнеркәсіптік процестер сияқты тұрақты дамуға ықпал ететін жаңа технологиялар мен өнімдерді әзірлеу үшін өте маңызды.

Аталмыш іс-шара метрология саласындағы тәжірибе мен білім алмасу, сондай-ақ Қазақстанда осы саланы дамытудың өзекті мәселелерін талқылау үшін маңызды алаңға айналды. Конференцияға қатысушылар оның ұйымдастырылу деңгейін мен мазмұнын жоғары бағалады.