Сәтбаев университетінде «Өнертабыстық есептерді шешу теориясы» семинары өткізілді

Еуразиялық GEN TRIZ Конгресінің арнайы іс-шаралары және TRIZ KZ Community жобасының «Қазақстан Республикасында индустрияға арналған ТРИЗ бойынша инновациялық білім беру қызметтері нарығының даму әлеуеті мен болашағы» атты 2-ші Ұлттық конференциясы аясында ағымдағы жылдың 21 қарашасында ТРИЗ халықаралық ассоциациясының Президенті, кәсіби өнертапқыш, шебер Юрий Игоревич Федосовпен екі шеберлік сыныбы өткізілді. Бұл іс-шараны инициативті түрде «Электроника, телекоммуникация және ғарыштық технологиялар» кафедрасының меңгерушісі Е.Таштай және инженер С.Марксұлы ұйымдастырды.

Сәтбаев университетінің мұнай корпусының мәжіліс залында өткен шеберлік сыныптары студенттерде, магистранттар мен докторанттарда қызығушылықты арттырды.