Сәтбаев Университетіндегі бос қызмет орындарына конкурс жарияланды

Сәтбаев университеті түлектер тарихы мен мұралар орталығының кураторы және студенттер деканы лауазымды қызмет орындарына конкурс жариялайды.

Үміткерлерге қойылатын талаптар:

Студенттер деканы

Студенттер деканы университет студенттерінің өзін-өзі басқару процестеріне жетекшілік етеді және студенттердің бейакадемиялық қызметіне құқықтық-нормативтік қолдау көрсетеді. Бұл қызмет үшін үміткердің магистерлік академиялық дәрежесі, жастармен, әсіресе ЖОО-да  студенттермен кем дегенде 3 жыл жұмыс істеген еңбек тәжірибесі болуы керек. Академиялық тәжірибесі жоғары бағаланады.

Түлектер тарихы мен мұралар орталығының кураторы

Түлектер тарихы және мұралар орталығы кураторының міндеттері: университеттің тарихи мұраларын жинау, сақтау және көрсету, университеттің Түлектер клубының (Alumni Club) бастамаларын қолдауды ұйымдастыру, сондай-ақ өткен жылдардағы түлектерді университет жұмысына баулу және тарту. Бұл қызметке мәдениет саласында және/немесе мәдени іс-шараларды ұйымдастыру саласында кем дегенде 5 жыл жұмыс істеген еңбек тәжірибесі талап етіледі. Көрмелерді (вернисаждарды) ұйымдастыру тәжірибесі құпталады.

Сәтбаев Университетінің қызметкерлері болып саналмайтын тұлғалар конкурсқа қатысу үшін келесі құжаттарды ұсынады:

1. өтініш;
2. түйіндеме;
3. жоғары білімі туралы дипломдардың, академиялық және ғылыми дәрежелер туралы дипломдардың, ғылыми атағы жөніндегі құжаттың көшірмесі және салыстыру үшін осы құжаттардың түпнұсқалары; 
4. қайта даярлау және біліктілігін арттыру туралы куәліктердің көшірмелері (егер олар болса) және салыстыру үшін осы құжаттардың түпнұсқалары;
5. үміткерлердің жұмыс тәжірибесін растайтын құжаттардың көшірмелері және салыстыру үшін олардың түпнұсқалары.  

Құжаттарды тапсыру үшін және барлық сұрақтар бойынша Сәтбаев Университетінің Студенттік мәселелер жөніндегі департаментінің директоры Айгерім Аубакироваға хабарласыңыз.

Электрондық пошта: a.aubakirova@satbayev.university

Телефон:  +77029388852