29 шілде 2024 3410

Сәтбаев Университетінің «Архитектура» кафердрасы беделді байқауда жеңіске жетті

2024 жылғы 24 шілде күні KAZGOR жобалау академиясында шатыр павильондарының дизайнын жасау конкурсының жеңімпаздарын марапаттау рәсімі өтті. Бұл маңызды іс-шараны Қазақстандағы шатыр архитектурасының көшбасшысы APS Engineering компаниясы KAZGOR жобалау академиясының, Қазақстан сәулетшілер одағының, Қазақстан қала құрылысшылары одағының және Serge Ferrari компаниясының қолдауымен ұйымдастырды.

Байқауға Қазақстанның әртүрлі қалаларынан келген жас сәулетшілер жиналды, атап айтқанда: Астана, Өскемен, Алматы және басқа да қалалар. Қатысушылар 100 шаршы метр алаңға арналған шатыр павильондарының көптеген түпнұсқалық және инновациялық жобаларын ұсынып, жоғары шығармашылық және кәсіби біліктіліктерін көрсетті.

Байқау барысында Сәтбаев Университеті «Архитектура» кафедрасының оқытушысы Владимир Яскевичтің жобасына ерекше назар аударылды. Оның жұмысы батыл шешімдерімен, ұлттық бірегейлігімен, тамаша ойларымен, іске асырылу мүмкіндігімен және байқау талаптарына қатаң түрдегі сәйкестігімен ерекшеленді. Ұйымдастырушылар оның жобасын барлық ұсынылған жұмыстардың ішіндегі ең үздігі деп таныды.

Талқылау кезінде қатысушылар мен ұйымдастырушылар осы байқау жобаларын одан әрі іске асыру үшін, бірлескен жұмысты жалғастыру туралы келісімге келді, бұл шешім жас сәулетшілерге жаңа мүмкіндіктер ашары сөзсіз.

Біз Сәтбаев Университетінің «Архитектура» кафедрасын және Владимир Яскевичті лайықты жеңісімен құттықтаймыз! Әрі қарай да жаңа табыстар мен шығармашылық жетістіктер тілейміз!