Талапкер
Студент
Түлек
Қызметкер
Курстар
Бизнес серіктес
Сәтбаев университетінің Әскери істер институтына қабылдау басталды
Сәтбаев универстеті Әскери істер институтында 2023 жылғы 1 ақпаннан ҚазҰТЗУ, ҚБТУ, АЭжБУ, ХИТУ, АТУ, ЕТУ, KIMEP, ТҰРАН студенттерінен запастағы офицерлер және сержанттар бағдарламалары бойынша оқу үшін іріктеу конкурсына қатысуы үшін өтініштерді қабылдау жүргізіледі.
Қабылдау комиссиясының жұмыс уақыты: күн сайын сағат 9.00-ден 16.30-ға дейін. Сенбі және жексенбі-демалыс күндері. Түскі үзіліс – 12.30 – 13.30-ға дейін.
Оқуға конкурсты өткізетін жылы жасы 24-тен аспаған Қазақстан Республикасының азаматтарына (жігіттер және қыздар) рұқсат етіледі. Қыздар запастағы офицерлерді даярлау бағдарламасы бойынша ғана білім алады.
Запастағы офицерлерді дайындау бағдарламасы бойынша оқуға іріктеу конкурсына қатысу үшін өтініштер бірінші курс (4 жылдық оқыту) және бірінші және екінші курс (5 жылдық оқыту) студенттерінен қабылданады.
Запастағы сержанттарды дайындау бағдарламасы бойынша оқуға іріктеу конкурсына қатысу үшін өтініштер бірінші және екінші курс студенттерінен (4 жылдық оқыту) және бірінші, екінші және үшінші курс студенттерінен (5 жылдық оқыту) қабылданады. Қысқартылған бағдарлама бойынша оқитын студенттер оқуға тек қана запастағы сержанттарды дайындау бағдарламасы бойынша қабылданады.
ҚБТУ, АЭжБУ, ҚазИТУ, АТУ, ЕТУ, KIMEP, ТҰРАН университеті студенттерін запастағы офицерлер бағдарламасы бойынша оқыту, сонымен қатар барлық студенттерді запастағы сержанттар бағдарламасы бойынша оқыту теқ қана ақылы негізде жүргізіледі.
Оқыту әскери күн әдісімен жүргізіледі, яғни аптасына бір күн. Запастағы сержанттар бағдарламасы бойынша оқытудың мерзімі – 1 жыл; запастағы офицерлер бағдарламасы бойынша – 2 жыл.
Мекенжайы: Алматы қ, Байтұрсынұлы к-сі, 140, (Тимирязев көшесінің қиылысы).
Конкурстық іріктеу төрт кезеңмен өткізіледі. Конкурстың әрбір кезеңінен тек қана бір рет өтуге рұқсат етіледі.
1-кезең – ҚІЖБ (Қорғаныс істері жөніндегі басқармаларында) медициналық куәландырудан өту. Медициналық куәландырудан өту үшін көрсетілген мекенжайға келіп және медициналық куәландыруға жолдау қағазын және медициналық карта алу қажет, өзімен бірге болуы тиіс:
- Жеке куәлігі (түпнұсқасы және көшірмесі);
- Тіркеу куәлігі немесе әскери билеті (түпнұсқасы және көшірмесі);
- 3х4 өлшемді 2 (екі) фотосуреті;
- Сотталғанының бар болуы немесе жоқ екендігі туралы анықтама;
- Студенттің ЖОО-да нақты оқитыны туралы, факультет деканымен қол қойылған анықтама.
Медициналық куәландыру Қорғаныс істері жөніндегі басқармаларында әскери есепке алу орындары бойынша (бөтен қалалық студенттер уақытша тіркеу орны бойынша әскери есепке тұрулары тиіс). Медициналық куәландыру карталарын тапсырудың мерзімі 2023 жылғы 2-ші маусымға дейін.
Өтініш берген және медициналық куәландыру карталарын тапсырған студенттер конкурстық іріктеудің келесі кезеңіне жіберіледі.
2, 3 және 4 кезеңдер 2023 жылғы маусымның 19-нан 30-шы маусым кезеңінде өткізіледі.
2-кезең – кәсіби-психологиялық тестілеуді өткізу.
3-кезең – дене даярлығын тексеру.
4-кезең – рейтингтік балл есептеулеріне сәйкес жүзеге асырылатын конкурстық іріктеу.
Дене даярлығы бойынша студент-жігіттер үшін нормативтер
|
№ р/н |
Бақылау жаттығулары |
Баға |
||
|
«5» |
«4» |
«3» |
||
|
1. |
100 м (с) жүгіру |
14,2 |
14,5 |
15,0 |
|
2. |
3000 м (мин) жүгіру |
13,00 |
15,00 |
16,00 |
|
3. |
Биік белдемеге тартылу (саны) |
12 |
10 |
8 |
Дене даярлығы бойынша студент-қыздар үшін нормативтер
|
№ р/н |
Бақылау жаттығулары |
Баға |
||
|
«5» |
«4» |
«3» |
||
|
1. |
100 м (с) жүгіру |
16,0 |
16,5 |
17,0 |
|
2. |
2000 м (мин) жүгіру |
10,00 |
11,3 |
12,2 |
|
3. |
Арқада жатып, қолы басының артында жағдайынан денесін көтеру (саны) |
25 |
20 |
15 |
Сұрақтар бойынша мына телефондарға хабарласыңыздар: 292-00-87, 292-24-17; 292-64-53 – кезекші инспектор.
