Сәтбаев Университетінің бағдарламалары «Атамекен» ҚР ҰКП рейтингінде бірінші орын алды
«Атамекен» ҚР Ұлттық кәсіпкерлер палатасы мен ҚР Білім және ғылым министрлігі бірлесе отырып, үшінші жыл қатарынан қазақстандық жоғары оқу орындарының білім беру бағдарламаларына тәуелсіз бағалау жүргізіп келеді.
Рейтинг үш блокқа енгізілген 17 критерий бойынша жасалған. Атап айтқанда, «Түлектердің мансаптық болашағы», «Білім беру бағдарламаларының сапасы» және «Студенттердің жетістіктері». 2020 жылы зерттеу жұмыстарының аясында 2 мың білім беру бағдарламалары қамтылды, 68 мың түлектің жұмыспен қамтылуы талданды және Қазақстанның барлық аймақтарынан 600-ден астам сала мамандары тартылды. Нәтижесінде 108 жоғары оқу орындары бойынша 6 мың сараптамалық қорытынды алынды.
Сәтбаев Университеті рейтингте 2 бағдарлама бойынша 1-орын алды: химиялық инженерия және аспап жасау.
ХБТИ және РАТҚ кафедраларын жеңісімен құттықтаймыз!
