Сәтбаев Университетінің Ректоры 2023 жылғы Рождество мерекесімен құттықтайды!

Құрметті әріптестер! Қымбатты студенттер!

Университеттегі барлық православие өкілдерін Рождество мерекесімен шын жүректен құттықтаймын!

Бұл мереке көптеген адамдар үшін рухани байлықтың, қуаныш пен мейірімділіктің, қоғамдағы бірлік пен сыйластықтың символы іспетті. Ал Сәтбаев Университеті үшін осы ұғымдардың барлығы да өте маңызды, өйткені бұл ұғымдар біздің күнделікті жұмысымызда шығармашылық пен жасампаздықтың, зерттеу және білім беру ісіміздегі негізгі түп-тамыр ретінде жүреді.

Мереке қарсаңында сіздерге зор денсаулық, мол бақыт және толағай табыс тілеймін! Елімізге, жерімізге, халқымызға деген сүйіспеншілік бәрімізді біріктіріп, татулық пен бірлігіміз әрқашан арта берсін!

Құрметпен,
Сәтбаев Университетінің Ректоры
Мейрам Бегентаев