Сәтбаев университетінің ректоры Алматыда шахматтан әлем чемпионатын ашты

Бүгін Алматыда халықаралық шахмат чемпионаты басталды. Салтанатты ашылу рәсіміне Сәтбаев университетінің ректоры Мейрам Бегентаев қатысып, алғашқы жүріс жасап, ойынды ашты.

Кадеттер арасында шахматтан FIDE World Cadet Chess Championships 2025 әлем чемпионатына 88 елден келген 842 жас шахматшы қатысуда. Мұнда 6 жастан 12 жасқа дейінгі ұлдар мен қыздар ең жоғары деңгейдегі жарысқа қатысып отыр – бұл чемпионат Халықаралық шахмат федерациясының қолдауымен өтуде және әлемнің ең үздік балалар шахмат мектептерінің өкілдерін жинады.

Қазақстан бұған дейін де балалар мен ересектер арасындағы ең жоғары деңгейдегі халықаралық шахмат жарыстарын бірнеше рет өткізген болатын, олардың барлығы халықаралық федерациялар тарапынан жоғары баға алды.

Жарыс достық пен шабытты атмосферада өтуде, ал жас шахматшылар өздерінің стратегиялық қабілеттерін көрсетіп қана қоймай, әлемнің түкпір-түкпірінен жаңа достар табуда.

Мейрам Бегентаевтың айтуынша, бұл чемпионат болашақ гроссмейстерлер үшін маңызды мектеп болады, осылайша интеллектуалды спортты Қазақстандағы балалар мен жастар арасында насихаттауға ықпал етеді.