Құрметті студенттер мен әріптестер!

Бүгін Бас оқу ғимаратынан түтін шықты.

Мынадай жағдай орын алды: ғимараттағы жылу желісінен ақаулық табылып, қабаттардың бірінде жөндеу жұмыстары жүргізілген еді. Жөндеушілердің бірі болгарка құралымен жұмыс істеп жатқан сәтте одан шыққан ұшқын шүберек затқа түсіп, ол біртіндеп түтіндеп, иісі шыға бастаған. Содан кейін ол шүберек зат өрт сөндірудің барлық ережелеріне сәйкес жойылды.

Ешқандай өрт, әрине, болған жоқ, бірақ дабыл нүктесі қағылған соң, сол қабаттағы адамдар сыртқа эвакуацияланды. Зардап шеккендер жоқ.

Азаматтық қорғау штабына жылдам әрекет еткені үшін, ал студенттерге тез арада сыртқа шыққандары үшін мол алғыс айтамыз!

Сіздерден сабырлық сақтауды және қауесет әңгімелерге сенбеулеріңізді өтінеміз!