30 мамыр 2022 1169

Сәтбаев Университетінің студенттері болашақ референдумды талқылауда

Сәтбаев Университетінің студенттері болашақ референдумды талқылауда

«2022 жылы 5 маусымда өтетін республикалық референдум туралы не білесіз? Еліміздің Негізгі заңы – Қазақстан Республикасының Конституциясына қандай өзгерістер енгізілуде? Оған қалайша дұрыс дауыс беруге болады?  – осы және басқа да маңызды сұрақтарға Сәтбаев Университетінің Жастар және спорт істері жөніндегі департаменті директорының міндетін атқарушы Әділхан Төлепберген мен №253 сайлау комиссиясының төрағасы Берік Тоқабаев жауап берді.

Алдағы референдум туралы түсініктемелер беру – бір себептермен Алматыда қалуға шешім қабылдаған студенттер үшін өте маңызды өзекті ақпарат болып табылады, өйткені біздің университет студенттері белсенді түрде азаматтық ұстанымдарын көрсетуде.

– Сайлау учаскесінде болған бір оқиға есіме түсіп отыр: бір қыз, ұмытпасам 18 жаста, таңғы сағат 6:30-да дауыс беруге келді. Жастарымыздың дауыс беру процесіне жауапкершілікпен қарағанына мен таң қалдым. Сонда сайлау комиссиясының төрағасы оған ҚазҰТЗУ-дың 80 жылдығына арналып шығарылған мерейтойлық кітапты салтанатты түрде табыс етіп, ол студенттің азаматтық ұстанымын жігерлендіре түсті, – дейді №253 сайлау комиссиясының төрағасы Берік Тоқабаев. – Ал біздің барлық студенттер еліміздің болашағына өз үлестерін қосқысы келеді, бұған Конституцияға өзгерістер мен толықтырулар енгізу жөніндегі референдум ықпал етіп отыр. Мақсатты, білімді жастар үшін бұл – жаңа Қазақстанды құру мүмкіндігі жөніндегі идеяларды жүзеге асыру.

Әйгілі Политехта конституциялық реформаны талқылауға арналған «Саясы жаңғыру – Жаңа Қазақстанға апарар жол» тақырыбында өткен эдвайзерлік сағаттар бір апта бойына жалғасты. Студенттермен кездесуге келген қонақтар көп болды, олар жастарға алдағы референдумның қыр-сырын толық ашып берді. Атап айтқанда, эдвайзерлік сағатқа Базалық білім беру институтының оқытушылары: тарих ғылымдарының кандидаты Салқынбек Досалы, тарих ғылымдарының кандидаты Айна Нұржанова, PhD докторы Мейрам Сарыбаев және саясаттану ғылымдарының магистрі Сәниям Манапова қатысты. Студенттер бұл тақырыпқа үлкен қызығушылық танытып, көптеген сұрақтарын қойды.

Студенты Satbayev University обсуждают будущий референдум

Жоғары

Қате кетті!

Жолдарды дұрыс толтыруға тырысыңыз.

Сіздің мәліметтеріңіз сәтті жіберілді!

Жақын арада біз Сізбен хабарласамыз.

Сіздің мәліметтеріңіз сәтті жіберілді!

Аудармасы жоқ


Басты парақшаға өту