Сәтбаев университетінің жас ғалымдары ғылымдағы жетістіктері үшін пәтер кілттерін алды

Сәтбаев университетінің тағы екі жас ғалымы отандық ғылымды дамытуға қосқан елеулі үлестері үшін пәтерге ие болды. Салтанатты шара Қазақстан Республикасы Ғылым және жоғары білім министрлігінің кеңейтілген алқа отырысында өтті, онда министр Саясат Нурбек жас зерттеушілерге тұрғын үй сертификаттарын табыстады.

 «Құрылыс және құрылыс материалдары» кафедрасының аға оқытушысы Нұрбек Теңгебаев пен «Машина жасау» кафедрасының жетекші инженері Денис Ткаченко жаңа пәтерлердің иегерлері атанды. Олардың инженерия және жаңа технологиялар саласындағы зерттеулері елдің ғылыми әлеуетін нығайтуға және өнеркәсіпте қолдануға мүмкіндік береді.

Салтанатты іс-шарада алғыс сөз сөйлеген Нұрбек Теңгебаев мемлекеттік қолдаудың жас мамандар үшін маңыздылығын атап өтті:

– Ғылымды дамыту мүмкіндігі, жұмыс істеуге жағдай жасап, қолдау көрсеткендері үшін алғыс білдіргім келеді, – деді ол. – Мегагранттарды қаржыландыру жас ғалымдарға ғылыми тәжірибе жинақтауға, зертханаларды жабдықтауға, әзірлемелерді өндіріске енгізуге және «білім-ғылым-өндіріс-бизнес» жүйесін дамытуға мүмкіндік береді.

Мемлекет басшысының Жолдауын жүзеге асыра отырып, Қазақстан Республикасы Ғылым және жоғары білім министрлігі қазіргі уақытта ғылым мен технологияларды дамытуға ерекше көңіл бөлуде. Жас ғалымдарға тұрғын үй сертификаттарын тапсыру – олардың жетістіктерін танудың ғана емес, елдің ғылыми әлеуетін дамыту жолындағы маңызды қадам болып табылады. Осы қолдаудың арқасында Сәтбаев университетінің ғалымдары өз зерттеулеріне назар аударып, алдыңғы қатарлы әзірлемелерді енгізеді, сөйтіп Орталық Азияда технологиялық хаб қалыптастыруда белсенді жұмыс істейді, осылайша университеттің аймақтағы жетекші техникалық жоғары оқу орны ретіндегі позицияларын нығайтады.