Satbayev University пен RAMS Qazaqstan арасында жұмыс кездесуі өтті
3 мамырда Т.Басенов атындағы Сәулет және құрылыс институтында Satbayev University және RAMS Qazaqstan компаниясы өкілдерінің осы компания үшін құрылысшы мамандарды даярлауға арналған жұмыс кездесуі өтті. Кездесуге компанияның HR-директоры Арника Тарғын, оқыту жөніндегі бас менеджері Роза Шегенова, Сәулет және құрылыс институтының директоры Болат Құспанғалиев және Сандық технологиялар және кәсіби даму институтының директоры Андрей Симонов қатысты.
RAMS Qazaqstan - 1997 жылы құрылған және қазіргі уақытта Қазақстан нарығындағы көшбасшылардың бірі болып табылатын құрылыс компаниясы. Компания белсенді дамып келеді, сәулет, құрылыс, сервистік қызмет көрсету және технологияларды дамытудағы серпінді өзгерістер саласында жұмыс істейді. Оның қызмет еткен жылдары Алматы қаласында 30-дан астам тұрғын үй кешені салынды. RAMS Qazaqstan мен Satbayev University арасындағы өзара түсіністік және ынтымақтастық туралы меморандумға 2024 жылдың басында қол қойылды және тараптар оны іске асыруға бірден кірісті.
Жиналғандар білім берудің жаңа әдістемелері мен техникалық құралдарын пайдалана отырып, оның ішінде Politechonline қашықтықтан оқыту платформасының көмегімен құрылыс және құрылыс технологиялары саласындағы жоғары білікті мамандарды даярлау перспективаларын талқылады. Сондай-ақ, компанияның инженерлік-техникалық қызметкерлерінің біліктілік деңгейін тестілеу мәселелері қозғалды.
Кездесу нәтижесінде болашақ инженер-құрылысшылар үшін дуальді оқытуды жаңа оқу жылынан бастау туралы шешім қабылданды. Жаңа даярлау бағдарламасы ЖОО-да теориялық оқыту мен кәсіпорында практикалық даярлықты үйлестіретін болады. Бағдарламаның ерекшелігі RAMS Qazaqstan компаниясының мамандары Satbayev University арқасында екінші жоғары білім ала алады, бұл олардың бәсекеге қабілеттілігін айтарлықтай арттырады.
Тараптар дуальді оқыту еңбек нарығында сұранысқа ие жоғары білікті мамандарды даярлауға мүмкіндік беретініне сенім білдірді.
