Satbayev University төрт тілдің әлеміне бойлады: дәстүрлі "English Week" жаңа форматта өтті

Satbayev University-де дәстүрлі Шетел тілдері апталығы өз мәресіне жетті. Биыл "English Week" бұрынғыдан да ауқымды форматта ұйымдастырылып, алғаш рет көптілді ортада өтті.

Политехте, биылғы оқу жылында бірінші курс студенттері бірден төрт жаңа тілді үйренуге мүмкіндік алды.  Шет тілдері кафедрасы қытай, корей, неміс және француз тілдерін іске қосты. Екі семестр бойы бірінші курс студенттері таңдалған тілдердің базалық білімдерін меңгеріп, 2025 жылдың 24-28 ақпан аралығында өткен тілдер апталығын мерекелеуде алған білімдерін іс жүзінде көрсетті. Іс-шараның ашылу салтанатында студенттердің төрт тобы үйретіліп жатқан тілдердің елдерін таныстырды.

Қазақстандағы Корей өкілдігінен делегация шет тілдер мерекесіне қатысты. Филология профессоры Ким Бусик корей тілінде құттықтау сөз сөйлеп, Қазақстандағы техникалық ЖОО студенттерінің жас буынының тек ағылшын тілін ғана емес, сонымен қатар корей, қытай және басқа да тілдерді үйренуге мүмкіндігі бар екендігіне қатысты мақтанышын білдірді. 

Бірінші курс студенттері дәстүр бойынша "Performance competition" театрландырылған қойылымы, "Reading Project" оқырман жобасы, "I am the Next Satbayev" бейне байқауы мен "Red Nose Day" қайырымдылық жәрмеңкесі сияқты жобалар мен байқауларға қатысып, өз үлестерін қосты.

Тілдер апталығының жабылу салтанаты барысында барлық қатысушылар мен жеңімпаздар сертификаттармен марапатталды, сондай-ақ естелік сыйлықтарына ие болды.     

Шет тілдері кафедрасы аталмыш ауқымды іс-шарасына қатысқандардың барлығына алғыс білдіреді!