Satbayev University университетті сыбайлас жемқорлыққа қарсы мәдениеттін дамытуда
13 сәуірде Satbayev University-де "Жемкорлық індет-оны жою міндет" атты студенттік пікірсайыс өткізілді. Турнирге студенттер арасында сыбайлас жемқорлықпен күреске назар аударуға және әлеуметтік белсенділікті арттыруға қызығушылық танытқан 2 және 3 курс студенттері қатысты.
Пікірсайыс Британдық жүйе бойынша жүргізілді, оған сәйкес қатысушылар қазылар алқасын өздерінің дұрыстығына сендіруі керек. Бұл жүйе бізге Ұлыбритания Парламентінен келді, онда барлық ойыншылар спикерлерден тұратын үкімет командасы мен оппозиция командасына бөлінеді, бірақ шешімді премьер-министр қабылдайды. Пікірсайыс жағдайында-қазылар алқасы.
Студенттер ұсынылған "Жемқорлық індет- оны жою міндет" тақырыбына сәйкес келетін сыбайлас жемқорлыққа қарсы күрестің әртүрлі әдістерін қорғауда дәлелдер келтірді.
Ойын барысында қатысушылар қоғам мен бизнес сыбайлас жемқорлыққа қарсы іс-қимылдың бірыңғай майданына біріктірілмесе, сыбайлас жемқорлық қоғамында қабылданған ойын ережелерін жиі қабылдайтынын атап өтті. Сондықтан сыбайлас жемқорлыққа қарсы іс-қимыл мәдениетін барлық деңгейде қалыптастыра отырып, азаматтық қоғамда құқықтық мәдениет, құқықтық сана мен парасаттылық деңгейін арттыру өте маңызды. Екінші жағынан, қылмыстық жауапкершілікті қатаңдату оң нәтиже беруі мүмкін, бірақ сыбайлас жемқорлық қылмысының себептерін анықтауға емес, оның салдарымен күресуге бағытталған. Сондықтан жастарды құқықтық тәрбиелеу, сайып келгенде, сыбайлас жемқорлыққа қарсы іс-қимыл процесінде үлкен оң нәтиже береді.
Пікірсайыс жеңімпаздары:
- І дәрежелі Диплом-Маржан Ниязбай, Диляра Ералхан;
- ІІ дәрежелі Диплом-Аружан Айтқұлова, Ақылжан Итеғұлов;
- ІІІ дәрежелі Диплом-Бекзат Молдабаев, Ақжол Бейбітұлы
- "Үздік төреші" дипломы-4 курс студенті Асанали Әбділла
Турнир жоғары деңгейде өтті. Пікірсайыстың барлық қатысушылары эрудиция танытып, дәлелдерді сауатты баяндады. Нәтижесінде студенттер кез-келген ортада Біз сыбайлас жемқорлыққа қарсы күресте белсенді болуымыз керек деген пікірге келді.
Пікірсайыс турнирін "Саналы ұрпақ" бөлімі және "Технократ"зияткерлік пікірсайыс клубымен бірлесіп Сыбайлас жемқорлыққа қарсы комплаенс-қызметі ұйымдастырды.
