Талапкер
Студент
Түлек
Қызметкер
Курстар
Бизнес серіктес
Тау-кен ресурстарын үнемдейтін цифрлық инженерия
Солға қарай айналдырыңыз
| Білім беру бағдарламаларының тобы | КТ элементтері |
| M116 Тау-кен инженериясы | Тау-кен өңдірісінің негіздері - Тау-кен кәсіпорындарының құрылысы |
баға
-
Мемлекеттік гранттар конкурсына қатысу үшін өтінішті қалай толтыру керек?
1. Өтініш бермей тұрып, Сәтбаев университетінің өзіңізге ұнаған білім беру бағдарламасының біреуін таңдап алыңыз; әрине, ол бағдарлама сіз ҰБТ кезінде тапсырған бейінді пәндерге сәйкес келуі керек.
2. Білім беру бағдарламалары тобынан өзіңіз таңдаған бағдарламаның код номерін жазып алыңыз (кестедегі «Білім беру бағдарламаларының тобы» деген бағанда).
3. Грант алу үшін толтырылған өтінішке осы топтың код номері мен Сәтбаев университетінің код номерін жазыңыз (Қ.И.Сәтбаев атындағы Қазақ ұлттық техникалық зерттеу университеті): 029.
Ресурстарды үнемдеуге, цифрландыруға және экологиялық тұрақтылыққа баса назар аудара отырып, қатты пайдалы қазбаларды өңдеу саласы бойынша инженерлік ғылымдар магистрлерін даярлауға бағытталған білім беру бағдарламасы. Оқыту заманауи цифрлық ақпараттық жүйелерді және «жасыл» экономикаға көшу жолдарын пайдалана отырып, студенттердің бойында тау-кен жұмыстарын жобалау және жүргізу дағдыларын дамытуға бағытталған.
Студенттер тау-кен өндірісінің озық технологияларын үйренеді, тау-кен жұмыстарын жобалау және жұмыс сызбаларын оңтайландыру үшін лицензияланған бағдарламалық өнімдерді пайдалану бойынша практикалық дағдыларды алып шығады. Зертханалық сабақтар мен ғылыми жобалар шеңберінде олар теориялық және эксперименттік талдау әдістерін, заманауи ақпараттық технологияларды пайдалана отырып деректерді өңдеуді және тау-кен процестерін басқаруда цифрлық шешімдерді пайдалану жолдарын меңгеріп шығады.
Бағдарлама тау-кен өндірісінің экологиялық аспектілеріне ерекше назар аударады: студенттер тау-кен өндірісінің өмірлік циклінің барлық кезеңдерінде ресурс үнемдейтін және экологиялық таза технологияларды енгізу жолдарын үйренеді. Сонымен қатар олар автоматтандыру, модельдеу және интеллектуалды басқару жүйелерін қоса алғанда, саланы цифрлық трансформациялау бойынша құзыреттерді дамытады.
Түлектер тау-кен кәсіпорындарында, жобалау және ғылыми-зерттеу институттарында, инженерлік орталықтарда және табиғатты қорғау қызметтерінде жұмыс істей алатын білікті мамандар болып шығады. Олар цифрлық инженерлер, дизайнерлер, өндірістік процестердің сарапшылары, экологиялық тұрақты тау-кен өндірісінің мамандары және тау-кен өнеркәсібіндегі трансформациялық жобаларға қатысушылар ретінде жоғары сұранысқа ие болады.