Жерүсті электр көлігі және зарядтау инфрақұрылымы

Жерүсті электр көліктері және жерүсті көліктерінің жаңа индустриясы үшін зарядтау инфрақұрылымы саласына қажетті инженерлерді даярлау, атап айтқанда, трамвай, троллейбус, электроскутер, электромобиль және т.б. Электрлік көлікке көшу – бүкіл әлемде көлікті дамытудың жаңа маңызды үрдісі болғандықтан, бұл инновациялық бағдарламаның түлектері жоғары сұранысқа ие болуда.

Бағдарламада математикалық пәндердің көлемі ұлғайтылды және бір жағынан, электрлік көлік пен зарядтау инфрақұрылымы бойынша пәндер және екінші жағынан, жаңартылатын энергия бойынша пәндерді қамтитын ықтималды екі оқу жолы қосылды.

Студенттер «Электрлік көліктер және электрлік арнайы жабдықтар», «Зарядтау құрылғылары», «Электр көлігінің энергетикасы», «Электромобильдердің техникалық диагностикасының негіздері», «Электр көліктерін ұшқышсыз басқару», «Электрокөліктерді зарядтау инфрақұрылымы», сондай-ақ әртүрлі зарядтау станциялары бар гибридті энергетикалық кешендерді оқиды.

Студенттер заманауи электр машиналарын жобалау және оларға техникалық қызмет көрсету, электр көліктерін зарядтау инфрақұрылымының жүйелерін есептеу және жобалау, электр энергиясының шығындарын есептеу, энергетикалық жүйелерді басқару және бағалау үшін қажетті бағдарламалармен жұмыс істеуді үйреніп шығады.

Бағдарлама бойынша «PoliTechElectronics», «Оператор ЭЗС», «Метрополитен», «Алматыэлектротранс», «Jet Sharing» және т.б. сияқты ірі кәсіпорындарда тағылымдамадан өту қарастырылған.

Түлектер жерүсті электр көліктерін шығаратын кәсіпорындарда, өндірістік цехтар мен инженерлік бөлімдерде, электробустар мен электромобильдерді пайдалану жөніндегі көлік компанияларында, жеке мобильді құралдарды пайдалану және жөндеу бойынша сервистік орталықтарда, сондай-ақ энергетикалық және экологиялық сараптамамен айналысатын өндірістік зертханаларда жұмыс істейді.