Талапкер
Студент
Түлек
Қызметкер
Курстар
Бизнес серіктес
Сәтбаев Университетінде Clarivate Analytics конференциясы өтті
22 қараша күні Д.К. Сүлеев атындағы Ғылым және шығармашылық орталығында «Инновациялық экожүйенің дамуы: зерттеулер мен әзірлемелерді бағалау мен ынталандырудың заманауи әдістері» атты ғылыми конференция өтті. Оны Сәтбаев Университетінің ректоры Мейрам Бегентаев өзінің құттықтау сөзімен ашты.
Конференция тақырыбы – ғылыми-техникалық қызметті коммерцияландыру арқылы оның нәтижелерін жетілдіру мәселелерін, сондай-ақ отандық ғылым, білім және инновация үшін қолайлы экожүйе қалыптастыру перспективаларын талқылау.
Конференцияда Clarivate Analytics компаниясының жетекші мамандары және ғылыми зерттеулер саласындағы әлемдік көшбасшылар сөз сөйледі.
Технологияларды табысты түрде коммерцияландырудың мысалдары туралы Кендрик Д.Уайт айтып берді, ал Марк Акоев зерттеу ұйымының басшылығына арналған стратегиялық және тактикалық шешімдер қабылдаудың заманауи әдістерін ұсынды. Ал басқа баяндамалар ғылыми зерттеулерді бағалау тақырыбына және инновациялық экожүйені одан әрі дамыту мәселелеріне арналды.
