Alumni SU
Түлектер – Сәтбаев университетінің зор мақтанышы. Әйгілі Политех өз тарихында мыңдаған талант иелері мен көрнекті тұлғаларға білім берді, олар қазір еліміздің түкпір-түкпіріндегі жетекші өндіріс орындарында, ғылым мен экономика салаларында қажырлы еңбек етуде.
Көптеген белгілі түлектеріміз үлкен-үлкен мекемелерде жоғары лауазымды қызметтер атқарып жүрсе, кейбіреулері Қазақстаннан алыс аймақтарда адал еңбек етіп, еліміздің гүлденуіне өз үлестерін қосуда. Олардың еңбек жолдарын еске алып, жыр ету – тек университетке көрсетілген құрмет ғана емес, сондай-ақ келешек ұрпақ үшін, жалынды студент-жастар үшін де лайықты үлгі-өнеге болып табылады.
Сонымен, түлектер туралы сұрақтарыңыз бар ма?
Бізге жазыңыз.
Бізбен байланыс
Біз сан жүзінде
52 000
Түлектер базасындағы адам саны
34
Көрнекті түлектердің сұхбаты
85
жылғы жаңалықтар мен инновациялар
Сіздің қолдауыңыз біз үшін өте маңызды
Сәтбаев университеті түлектерінің қолдауы мен қосқан үлестері университет үшін өте маңызды болып табылады. Егер де Сіз біздің университет түлегі болсаңыз және де өз тәжірибеңізбен, өмірдегі сәттіліктеріңізбен бөліскіңіз келсе – Сіз туралы әңгімені осы бетке орналастыруға әзірміз.
Сізді университеттің Түлектер ассоциациясы қызметіне қатысуға, біздің даму бағдарламамызға үлес қосуға шақырамыз. Сөйтіп Сіз үлгілі студенттер жөніндегі ақпаратқа, практика базасына алғашқылардың бірі болып қол жеткізе аласыз, кәсіпорын қызметкерлерінің біліктілігін арттырып, бірге оқыған достарыңызбен кездесе аласыз.
2019 жылдан бастап Сәтбаев университеті серіктестік көмек қабылдап, оны университеттің дамуына және ең басты міндетін орындауға, яғни еліміздің техникалық элитасын даярлау ісіне, сондай-ақ Қазақстанды әлемдік экономиканың үздіктері қатарына қосу жолына қажетті инновациялық технологияларды жасауға жұмсайтын болады.
Міне, осы маңызды іске атсалысқыңыз келсе, бізге жазыңыз. Біз Сізбен телефон арқылы немесе электрондық пошта арқылы хабарласамыз!